尋日坐車時同朋友傾起現時嘅狀況
講講吓突然旁邊有個女仔講：唔好意思啊，你哋介唔介意講細聲少少，其實呢排日日都睇好多聽好多，介唔介意留少少空間俾大家靜一下？
聽到佢咁講，我突然都諗起呢排每次同朋友見面都會講社會問題，上網又見到，睇電視又見到，甚至你睇AV網都會見到。
曾經我都會覺得今時今日呢種情況你仲有心情玩樂？
但長達兩個月嘅活動令大家都覺得身心疲倦，或者需要少少喘息空間。
亦有朋友問到我最近點解唔寫野，講真，無心機無心情寫，你都唔會有心機有心情睇，但有朋友留言話，呢個時勢，你應該寫多少少野令大家可以休息一下。
作為和理非，無乜野幫到大家，或者我應該寫多少少小故事出嚟比大家回吓氣，等社會可以少一分悲傷。
Search